NFT藝術品初接觸（四）：Art Blocks Factory Flowers、robort.art 質爆 Gas Fee

要講到目前最炙手可熱的NFT投資，當然係Axie Infinity之類的Play & Earn模式，連帶其概念代幣AXS在一個月內都差不多升了5倍。不過由於未有深入研究，在唔熟唔講的前提下都係講番比較熟嘅藝術收藏向NFT。

基本上現在市面最紅的都係Crypto Punk及其延伸出黎嘅復製系列，其概念就係透過編程隨機生產出近萬個同系列的NFT，當中會有一些共通特徵（例如都係頭像、或者相似圖案），而這些共通特徵又會根據稀決性決定佢嘅售價高低，變成另類閃卡非常好炒。然後當它們升值到一定程度後，又會給每個持有人Airdrop一枚新NFT，借此降低入場費門檻之餘，又令原有NFT持有人擁有更大囤積意欲，如此不停循環下去推高售價……

例如早前某幣圈KOL推介的Bored Ape Yacht Club，就成功復製了這條方程式，先炒起他們推出的猴子後，又再給每位用戶Airdrop一隻狗狗，往後還加入了Metaverse概念……這使得一個月錢一隻最平普通版猴子還在賣2.X ETH左右，如今已暴增至差不多奉接近10ETH。

追捧這些收藏品NFT風險當然不低，除了要小心大量假貨充斥，購買比較稀友版本又難以定價之餘，還要小心承受「摩頂接火棒」的暴跌風險，所以我通常傾向買一啲當起嘅NFT系列，例如近排就睇中咗其中兩款，一款係由Art Blocks Factory推出嘅Flowers系列（網址： https://rvig.art/Flowers.html ），另一款則係Robotos系列 （ https://www.robotos.art/ ）

推介呢兩個系列最重要嘅原因，係因為：

一、兩者都係最近新出，入場價較低（目前兩者最平款都係低於0.2 ETH）；

二、Art Blocks Factory本身已推出過不少成功的NFT，令有人信心的往績可尋；至於Robotos則有著名設計師Pablo Stanley參與，藝術價值予人一定信心

三、兩者響早前公開認購時，都引起過「人踩人事件」，令Gas Fee爆升：Flowers系列公開發售時Gas Fee一度由個位數急升至150，據統計成個搶購過程手續費（注意唔係交易額，純粹係Gas Fee），竟然可以達到$836,914.03 (316.06 Eth)，而Robotos就更癲，由開售Gas Fee更加衝到600以上，直至完售先逐步回落至正常。

Flowers最初開賣價為0.1ETH，而Robotos則為0.05ETH，但兩者皆在短時間內售罄，基本上一般人沒有能以原價購入。執筆時Flowers最低價太概是0.12ETH左右，而Robotos則在0.17ETH左右，暫時只持有後者。當然NFT風險比起炒幣更高，各位請自行衡量風險。