規管虛擬資產服務提供者咨詢結束，對我地有乜影響？
Updated: May 26, 2021
財庫局自去年年底，就監管虛擬資產服務提供者(Virtual Asset Service Providers(VASPs))的發牌制度諮詢市場，終於在上週公佈了咨詢總結。
基本上財庫局的立法立場和早前透過媒體放風的立場並無太大分別，簡單而言就是所有在香港營運的加密貨幣交易所（無論是否在香港註冊），皆一律需要申領牌照；而且交易所能提供的服務對象將只限於資產組合達800萬港元以上的專業投資者，所有散戶皆被撇除於客戶名單之外。
假若此條例最終刊憲，所有加密貨幣交易所將被禁止向散戶提供任管託管、投資甚至兌換服務，而「場外交易」、ATM提款、點對點客戶交易則不在此列。換言之整個加密貨幣市場將會來個翻天覆地的變化。
不過對正於加密交易所擺放資產的各位來說，其實亦毋須過份恐慌，只因由咨詢完結到正式立法，時間既長、亦不乏變數：
1. 目前有關監管條例仍處於咨詢總結階段，財庫局已表明條例將於下個立法會會期才會交上議會審議。基於21/22年度立法會選舉要至年底才舉行，直至明年一二月之間才正式履新；之後還要經歷一大輪主席、副主席選舉、法案委員會成立與審議，修訂案表決與大會三讀程序，還要有180日立法過渡期。
就算以目前立法會「效率審批」速率估算，大概亦要至明年年尾才有可能正式實行，大家稍安躁。
2. 財庫局目前禁止加密貨幣交易所服務散戶的原因，理由為「虛擬資產風險較高，又屬新興行業，因此堅持只允許專業投資者參與」，然而大家都明白，幣市發展一日千里，一年後根本無人能預料到加密貨幣有關的金融科技又會有何新突破，唔排除法例會因應市場激烈轉變而調整。
3. 現時加密貨幣散戶，同樣係財庫局同證監保障名單入面：如果一條以保障散戶為名嘅法例，最終反而侵害散戶利益，咁咪本末倒置？所以我相信到時政府一定會有妥善處理加密貨幣散戶戶口嘅方案，大家留意住新聞就得，唔駛自己嚇自己住
4. 政府立法同樣已明確劃界，表明挖礦、交易加密貨幣係合法行為，同中國大陸打算全面禁止交易加密貨幣嘅政策方針完全唔同；響中期加密貨幣市場上面，最多只係會比以前麻煩咗，而唔會係被封殺。
當然，要法案有修改轉機，始終於存在兩大阻力。一係呢個政府實在太炆塞，接受新事物過程極其緩慢，完全唔明白禁止交易所提供服務予散戶，只會迫使佢地走去採用一啲更缺乏監管、更危險嘅交易途徑──之前盛行嘅Bitcoin扑頭黨，隨住加密貨幣交易所增加而絕跡，就係最好一個引證。
二係加密貨幣支持者大部份都推崇去中心化，響呢個時候反而係一件壞事：因為對於傳統股票行業黎講，加密貨幣興起會侵蝕佢地市場，令既得利益團體群起抵制，但加密貨幣支持者呢？一來新興氣候未成，二來如果聚集埋一齊搭大台的話，咪同去中心化信念互相矛盾？
唯一能夠寄望嘅係，當香港更多傳統金融股票行家，更快接受加密貨幣嘅潛力進入市場，成為支持Crypto普及化發展嘅一份子，就可以形成撼動政府保守政策嘅力量。
記住用下面條LINK申請KIKITRADE ACCOUNT